लेखक महेंद्र गौतम | मराठी साहित्य | मराठी संस्कृती | मराठी वाङमय | गर्जा महाराष्ट्र माझा |

मराठी साहित्य | मराठी संस्कृती | मराठी वाङमय | गर्जा महाराष्ट्र माझा |

सुविचार

"यशामुळे आपली ओळख लोकांना होते आणि अपयशामुळे लोकांची ओळख आपल्याला होते..!"

हा ब्लॉग शोधा

शाहु...

शाहु...
होते वज्रासम बाहु
मनं मेणाहुन मऊ
खरा लोकांचा तो राजा
माझा छत्रपती शाहु....!
उंटाहुन नका हाकू
शेळ्या सांगत तो होता
अस्पृश्यांच्या हातचा चहा
स्वत: पीतही होता
लोका पाजतही होता
बंद केलं रे वतनं
त्यान रोखलं पतनं
त्यानं कैलं रे कैकांचं
बाप होऊन जतनं
त्याची पहाडी छाती
मर्द पैलवानं गडी
झोपडीत खाई आंबोळी
देई साडी अन् चोळी
करवीर नगरीचा
तो नरवीर राजा
त्याच्यासम कुणीतरी
आता होईलं का दुजा?
(अर्घ्यदानं)
महेंद्र कांबळे. mahendra.noble@gmail.com

सई आठवण तुझी....

सई आठवण तुझी....
जणू अंधार दाटला
हाक ऐकून धरेची
सुर्य प्राचीस पेटला...
सई आठवण तुझी
आलं आभाळ फिरुन
लाख कोरडे ठेवतो
डोळा पुन्हा ये भरुन
सई आठवण तुझी
जणु प्राजक्ताचा सडा
कणसात लपलेला
एक गंधाळ केवडा...
सई आठवण तुझी
जणु उठलं मोहोळं
थोड्याश्या गं मधासाठी
मन डंखाने घायाळं...
सई आठवण तुझी
जणु वणवा गं रानी
पारव्याच्या ओठावर
आर्त विरहाची गाणी....
सई आठवण तुझी
जणु आभाळ फाटलं...
वाट चुकल्या चंद्राला
जसं चांदणं भेटलं....
सई आठवण तुझी
जणु उन्हात चांदवा
घामाघुम झाल्या जिवा
गार आषाढ सांगावा...
सई आठवण तुझी
जणु समुद्राची गाज
हवाहवासा वाटावा
असा कोकीळ आवाज...
सई आठवण तुझी
जणु जखम जिव्हारी
तुझ्या डोळ्यातही पाणी
येतं का गं केव्हातरी....?
(अर्घ्यदानं)
महेंद्र कांबळे 
All Rights Are Reserved @ Mahendra Kamble. Blogger द्वारे प्रायोजित.
myfreecopyright.com registered & protected