अस्सलं कलाकृती काय असते? मला वाटतं जिचा आस्वाद घेण्याचा वारंवार मोह व्हावा आणि दरवेळी त्या कलाकृतीनं पहिल्याईतकाच उत्कट आनंद तुम्हाला द्यावा, मग ते एखाद धुंद गाणं, सिनेमा असो किंवा पुस्तक असो.
घरचं पुस्तकाचं कपाट ब-याच दिवसानंतर निटं करत होतो आणि साधारण दोन वर्षाअगोदर घेतलेलं एक पुस्तक हाती लागलं. श्री. संजय जोशी' लिखीत, 'आहे काँर्पोरेट तरी'.
एका लोकविलक्षण अवलियाचं हे चकित करणार आत्मकथनं.
"झगमगत्या काँर्पोरेट विश्वात 'बिग बाँस' बनुन वावरल्यानंतर त्या मोहमयी दुनीयेकडे पाठ फिरवणा-याला कुणीही वेड्यात काढावं. पण महिन्याला लाखो रुपये पगार, मानमरातब आणि वाट्टेल तेव्हढे अधिकार हाती असुनही नोकरी सोडून देणारेही असतात. काँर्पोरेट दुनियेच्या मोहमयी जगात रमण्याऐवजी सर्जनशील जगण्याचा आनंद मिळवण्यासाठी 'हटके' पाऊल टाकणा-या एका 'बिग बाँस'ची ही गोष्ट."
पट्टीचा वाचणारा एकाच बैठकित हे पुस्तक संपवेल एव्हढं प्रवाही लिहिलं आहे. रटाळपणा कुठंच नाही त्यामुळं वाचतांना एकही जांभई येतं नाही. एक विलक्षण वेग, ऊर्जा आहे या पुस्तकातं, वाचणारा आपसुकच 'पेटतो',( प्रेरीत होतो).
मला सबंध पुस्तकभर 'ऑलकेमिस्ट'मधला स्वप्नांच्या मागे धावणारा सँतिऍगो आठवला पण ऑलकेमिस्ट ही 'परिकथा' आहे आणि हे पुस्तक 'खरीकथा' आहे.
'स्वप्ने अशी पाहिन ज्यांना गंध मातीचा मिळो
गंध जगण्याला मिळो माझ्याच त्या स्वप्नातला'.
डायरेक्ट जगण्याला भिडायची उर्मी देणा-या, सर्जनशिलतेचा वसा जप म्हणणा-या या पुस्तकाला आणि श्री. संजय जोशी यांना कुर्निसात, दिलसे सलामं.-^-
मर्म जगण्याचे उमजता मी अश्या शब्दांत गावे
शब्द व्हावे मंत्र ज्यांना अर्थ ये मौनातलां...
महेंद्र गौतम.

बुलेटप्रुफ कारमधून तुम्ही हिंडता
झेड सुरक्षेत डरकाळ्या फोडता
तुम्ही कुणालाही हवं तसं वागवता, वाकवता आणि नाचवता
जो तो येऊन तुमच्या समोर हात जोडतो
खरच मला तुमचा हेवा वाटतो
तुमच्या एका शब्दाने ईथे मारामा-या होतात
तुमच्या नुस्त्या बोलण्याने माणस पेटतात.
तुम्ही घडवू शकता
मोर्चे आणि दंगली सुध्दा
तुम्हाला घाबरतात माणसे
वाईट आणि चांगलीसुध्दा
तुमच्यातलाच कुणीतरी मग
प्रती मंत्रालयच चालवतो
खरचं मला तुमचा हेवा वाटतो.
निवडणुकीसाठी तुम्ही करोडो खर्चता
निवडून आल्यावर वसुलही करता
तुमच्या नुस्त्या चिठ्ठीने
ईथे सगळी कामे होतात
नामांकित लोकही तुमचे पाय चाटतात
तुम्हाला अपचन कस होत नाही हा विचार मी करतो
खरच मला तुमचा हेवा वाटतो
प्रतीपक्षावर तुम्हि चिखलफेक करता
चक्क त्या पक्षात जाऊन
त्याचेच गोडवे गाता
रंग बदलण्याच्या बाबतीत
सरडासुध्दा तुम्हाला लाजतो
खरच मला तुमचा हेवा वाटतो
तुमच्या आशीर्वादाने ईथे
गुत्ते, अड्डे चालतात
राँकेल, वाळुमाफीया लोकांना लुटतात
भरधाव अँपेवाले लोकांना चिरडतात
सगळ्यांच्या पाठीवर तुमचा हात असतो
खरच राव, मला तुमचा हेवा वाटतो.
सगळ्या रंगाना तुम्ही बापाची जागीर समजता
सर्रास महापुरषांना दावणीला बांधता
मतासाठी माणसांना धर्म जातीत विभागता
तरी मी तुम्हालाच मत देतो
खरंच मला तुमचा हेवा वाटतो..
महेंद्र गौतमं.
(अर्घ्यदानं)

या देशात अनेक साथी आल्यात आजवर.
देवी, पटकि, महाभयंकर प्लेग ते अगदी,
आता आताच्या बर्डफ्लू, चिकन गुनिया पर्यंत.
पण आता एक नवीच साथ पसरलीय इथे.
बलात्कार - खुनाची.!!!!
------------------------------------
सरकार आता शंडत्वाची लस शोधणारेय म्हणे.
महेंद्र गौतम.